揾醫生，真係要上網問下口碑。請問王愛倫醫生 Catherine Ong 好唔好？
以下係本人經歷，希望各位不會遇到，如有雷同，實屬巧合。
原本想揾私家醫生生，希望得到較好既服務，bb同媽咪都開心d，點知。。。
幾個星期前，聽我個家庭醫生介紹，預約左王X倫醫生Catherine XXX，可惜，時間一改再改，最後我請左成日假就佢。點知都係由9點改4：15，再改到12點。攪到我個 lunch booking 要 cancel，想放假食個舒服既lunch都唔得。11：30到佢office，等到2：00先有得見。好彩朝早食左d嘢，如果唔係，暈都有份。
入到去，佢第一句問，你有冇驗過d咩？我話係公立醫院驗過1次（反正唔使錢，同埋我d朋友教我公立醫院一定要報嘛）。甘佢接住問，你想係公家生定私家生，我話想解多d私家醫生既服務，同公立醫院比較一下。公立醫院未必check得甘足，點都要揾私家醫生做返。
跟住照超聲波，佢有佢做甘check左幾分鐘后話個bb好正常。就係甘多。跟住我話，個肚有d唔舒服（詳情唔多講），佢話個bb有少少唔穩定，好小事，佢都冇咩可以做。甘我問有冇得check 真d，佢話驗血。
之後我問，如果有咩唔舒服，可以點，佢話揾公家啦。我問可唔可以揾你，佢話唔使啦，公家咩都會睇，況且私家都未必有床位比你。最後，千幾蚊埋單，前後睇左十幾分鐘咋。重唔收卡或EPS。佢早兩日打電話黎，叫我去睇驗血報告。我話唔得閒，唔睇啦。
以上係我經歷既客觀描述。作為一個媽媽，我希望醫生可以讓我了解生產過程，感到放心，同時亦係我同bb在出生前溝通既橋樑。
係我既主觀情感上，佢當工作係睇病，並非照顧一個媽媽。又或者佢覺得我唔會揾佢生，profit margin 細掛。老實講，錢，唔係問題，問題係佢既服務，公立醫院都及唔上。比100蚊都嫌貴。剛剛去公立醫院度完頸皮，感覺良好，如果收我3000蚊，我都會樂意比。
